كرهبتك تناديك.
ستيكر QR على الباربريز. اللي يلاحظ مشكل يسكانيه ويختار إش صار، ويوصلك ميساج على الواتساب. والنومرو متاعك يبقى مخبّي.
جرّب توّا: سكاني الستيكر بالتليفون متاعك. الشاشة هذي تلعب دور تليفون مولى الكرهبة.
اضغط على الستيكر باش تجرّب
ولا خلّي صاحبك يسكاني الشاشة متاعك.
شنوّة ينجم يوصلك
- مسكّر عليّ
- الضو شاعل
- البلّار محلول
- الشنقال جاي
- الألارم يصونّي
حد مسكّر عليك وإنت تحب تخرج؟
كرهبة مسكّرة عليك وحتى حد ما ثمّة. تسكاني الستيكر متاعها، تختار «مسكّر عليّ»، ويوصل لمولاها ميساج على الواتساب في ثانية. من غير ما تزمّر، ومن غير ما تعيّط.
وناديني ينفعك زادة كي يكون الضو شاعل، البلّار محلول، الشنقال جاي ولا الألارم تصفّر.
تسكاني الستيكر متاعها
بالكاميرا متاع التليفون. من غير تطبيقة.
تختار «مسكّر عليّ»
ولا الضو شاعل، البلّار محلول، الشنقال جاي…
مولاها يوصلو ميساج
على الواتساب ولا بالـSMS. لا هو يشوف النومرو متاعك، ولا إنت تشوف متاعو.
النومرو متاعك ما يبانش.
اللي يسكاني يشوف كان نوع الكرهبة، الماركة، الموديل واللون متاعها. النومرو متاعك مخزون مشفّر، وتنجم توقّف التنبيهات ولا تفسخ الكونت وقت ما تحب.
شنوّة يشوف اللي يسكاني في بلاصة النومرو متاعك
يشوف
Peugeot 208 بيضاء
ما يشوفش
النومرو متاعك والاسم
6
تنبيهات في النهار، موش أكثر
ماكسيموم 6 تنبيهات في النهار للستيكر: حتى حد ما ينجم يقلقك.
وزيد يفكّرك بالمواعيد متاع الكرهبة.
الفينيات، الأسورونس والفيزيت التقنية: ميساج قبل 7 أيام، قبل 3 أيام ونهار الموعد.
نادينيالفينيات
الخواص: النومرو الزوجي قبل 5 مارس، الفردي قبل 5 أفريل. الكراء والليزينغ: 5 ماي.
الأسورونس
تاريخ آخر الأسورونس المكتوب في الأتستاسيون.
الفيزيت التقنية
الخاصّة: كل عامين من بعد 4 سنين (كل عام بعد 10 سنين). النفعية: كل عام من بعد عامين (كل 6 شهر بعد 10 سنين). تاكسي / لواج: كل عام من بعد عام (كل 6 شهر بعد 5 سنين). الكراء: كل 6 شهر من بعد عام.
الكل في الظرف.
- الستيكر QR
60 × 88 مم، تلصّقو من داخل الباربريز، من جهة الراكب.
- كارطة التفعيل
الكود متاعك بـ6 أرقام: التفعيل ياخذ دقيقة.
- عام خدمة كامل
تنبيهات على الواتساب ولا SMS، النومرو مشفّر، وتتجدّد كل عام.
- التذكيرات
الفينيات، الأسورونس والفيزيت التقنية.
سوم الانطلاق على قريب
عندك شركة، كراهب كراء ولا باركينغ؟
ستيكرات بالعدد، وتذكيرات لكل كرهبة.
أسئلة يسألوها برشا
شنوّة ناديني؟
ناديني ستيكر QR تلصّقو على الباربريز متاع الكرهبة. اللي يلاحظ مشكل (مسكّر عليه، الضو شاعل، الشنقال جاي…) يسكانيه بالتليفون ويختار إش صار، ويوصلك ميساج على الواتساب ولا بالـSMS، من غير ما يشوف النومرو متاعك.
اللي يسكاني يشوف النومرو متاعي؟
لا. يشوف كان نوع الكرهبة، الماركة، الموديل واللون. النومرو متاعك مخزون مشفّر وما يتعطى لحد.
لازم نحط تطبيقة؟
لا. اللي يسكاني يستعمل الكاميرا متاع التليفون، وإنت يوصلك الميساج على الواتساب. ما فما حتى تطبيقة.
وكان ما عنديش واتساب؟
يوصلك SMS في بلاصتو.
قدّاش يدوم الستيكر؟
الشراء فيه عام خدمة كامل. بعدها، الخدمة تتجدّد كل عام.
حد ينجم يقلقني بالتنبيهات؟
لا: ماكسيموم 6 تنبيهات في النهار للستيكر، وتنجم توقّف التنبيهات من الكونت متاعك.
وين نلصق الستيكر؟
من داخل الباربريز، من جهة الراكب، والوجه المطبوع للبرّا.
وين نشري ناديني؟
من الموقع هذا مباشرة: احجز الستيكر متاعك أونلاين. الشركات وكراهب الكراء: احكيو معانا.
شنوّة التذكيرات اللي يبعثها ناديني؟
الفينيات، الأسورونس والفيزيت التقنية. تاريخ الفينيات نحسبوه من النومرو متاع الكرهبة (زوجي ولا فردي)، والفيزيت على حساب استعمال الكرهبة وعمرها.